[時事] 年度惡搞之最非佢莫屬

年度惡搞之最非佢莫屬( 2011-11-11 )
工聯會「謝票」大平賣


[轉載/Youtube] 工聯會喺區選大捷，飲得杯落而且與眾同樂，隨即有好嘢益街坊，唔係「蛇齋餅糉」，而係聽日起在屯門及黃大仙搞特惠購物周，貨品最低六折，咁大手筆謝票，難怪選民咁支持工聯會。理事長吳秋北強調唔係謝票，指特惠購物活動籌備咗一段時間，完全同區選無關，大家唔好諗咁多。
講番呢個特惠購物周，工聯會過去三年搞過四場，淨係白米都賣出80,000包。最近泰國水浸，白米遲啲可能漲價，工聯會今次就主打一款8公斤泰國白米益街坊，原價85.9元，工會價65元，折扣達24%。賣得咁平，吳秋北話唔知超市有冇向供應商施壓。想執平貨，記住準時出動，11月12日至20日喺屯門仁愛廣場；11月23日至30日喺黃大仙廣場。